Kitabxana 1889-cu ildə Bakı şəhəri duması tərəfindən yaradılmışdır. Kitabxanaya rus tənqidçisi V. Q. Belinskinin adı verilmişdir. Bu vaxtlar kitabxana 2739 nüsxə kitab və qəzet fonduna malik idi.
1917-ci ildə kitabxanada artıq 8587 nüsxə rus dilində , 72 nüsxə xarici dildə kitab var idi.
Oxucu sayı isə 470 nəfər idi. 1918-ci ildə Bakı Xalq Maarif şöbəsi yanında
226960 nüsxə kitab fonduna malik 38 kitabxana fəaliyyət göstərirdi. Fondda azərbaycan dilində kitab olmadığından onun əsas oxucuları rus dilli oxucular idi. Sonralar malliyə çətinliklərini aradan qaldırmaq məqsədi ilə
əlaqədar olaraq kitabxana Mədəniyyət idarəsinə tabe edilmişdir. 1965-ci ildə kitabxanaya Mərkəzi Şəhər Uşaq kitabxanası adı verilmişdir.Kitabxana Mərkəzi Şəhər Uşaq kitabxanası olduğu üçün onun nəzdində olan
Metodiki şöbə Metodik Mərkəz sayılır. Bakı şəhərində olan 17 uşaq kitabxanasına metodiki mərkəzi
Belə ki, kitabxana Mərkəzi Şəhər Uşaq kitabxanası
olduğu üçün Bakı şəhərində olan uşaq bağçaları, orta məktəb, orta ixtisaslı peşə məktəbləri, mədəniyyət mərkəzləri, muzeylər və kitabxanalarla əlaqədə işləyirmi rəhbərlik edir
Kitabxananın 7 şöbəsi və ``Uşaq aləmi" Mədəniyyət Mərkəzi oxuculara xidmət edir. Kitabxanada həm də M. Seyidzadə adına guşə də fəaliyyət göstərir.
Kitabxananın əsas iş istiqaməti: böyüməkdə olan gənc nəslin əqli və ictimai inkişafında zahiri deyil, daxili gözəlliyini, mədəniyyətini, vətənə sevgi, əməyə, zəhmətə qadir olmağı, bütün sahələrdən
baş çıxarmağı bacara biləcək bir nəsil yetişdirmək, tərbiyə etməkdən ibarətdir.
Son illər respublikamız öz müstəqilliyini elan etdikdən
sonra, nəzərə çarpacaq dəyişikliklər olmuşdur. Kitabxana kollektivi də kitabxananın adının dəyişdirilməsi ilə əlaqədar olaraq Nazirlər Kabinetinə məktubla müraciət etmişdir. 1991-ci ildə
Nazirlər Kabinetinin qərarı ilə kitabxanaya görkəmli uşaq şairi və qəzəlxan, tərcüməçi M. Seyidzadənin adı verildi.
1999-cu ildə kitabxana Azərbaycanda fəaliyyət göstərən ``SOROS" ACI-ti tərəfindən keçirilmiş müsabiqədə ``Uşaq aləmi ``
başlığı altında layihə ilə iştirak edərək tenderin qalibi olmuşdur və qrant almışdır.
2000-ci ildə təkrar olaraq ``SOROS" ACI-ti tərəfindən
keçirilmiş müsabiqədə ``kitabxananın öz səhifəsinin" internetdə açılması layihəsi ilə qələbə çalaraq avadanlıqla təmin edilmişdir
2001-ci ildə ``SOROS" ACI-ti tərəfindən ayrılmış qrant məktubu ilə əlaqədar Litvanın Vilnüs şəhərində keçirilmiş
``Regional kitabxanalarda icmal informasiya mərkəzləri" başlığı adlı seminarda iştirak etmişdir.
Hazırda kitabxana Bakı şəhərinin mərkəzi küçələrinin birində, Bül-Bül prospekti 14/70-də, arxitektur binanın
birinci və ikinci mərtəbəsində yerləşir.. M. Seyidzadə adına Mərkəzi Şəhər Uşaq kitabxanasının əsas iş istiqaməti:
Uşaqların kiçik yaşlarından milli zəmində və ümumbəşəri dəyərlər əsasında tərbiyə olunması uşaq kitabxanalarının
əsas məqsədlərindən biridir. Böyüməkdə olan gənc nəslin əqli və ictimai inkişafında zahiri deyil, daxili gözəlliyini,
mədəniyyətə, vətənə sevgi, əməyə, zəhmətə qadir olmağı, elmin bütün sahələrindən baş çıxarmağı bacara biləcək bir nəsil yetişdirmək, tərbiyə etməkdən ibarətdir.
M.Seyidzadə adına Mərkəzi Şəhər Uşaq kitabxanasının maraqlı səhifələrindən biri: hər ilin yekununda ilin ən
fəal oxucusunun seçilməsi və kitabxana müdiriyyəti tərəfindən qiymətləndirilməsi, «İlin fəal oxucuları» başlığı altında sərgidə oxucu şəklinin əks etdirilməsi.
Bundan əlavə, kütləvi tədbirlərin keçirilməsində fəal iştirak edən oxucuların kitabxana tərəfindən
hədiyələndirilməsi maraqlı səhifələrindən biridir.
Azərbaycan Respublikası Bakı şəhəri 370000 Bül-bül prospekti 14/70. 1-ci və 2-ci mərtəbə.
Mərkəzi Şəhər Uşaq kitabxanası.
Tel. : 93-43-15, 93-75-68.
 |
 |
 |
 |
 |
 |
 |
 |
 |
